མཐུན་སྒྲིལ་གྱི་རང་སྒྲ།
བོད་པ་ཚོ་མཐུན་སྒྲིལ་གྱིས། ཨ་ཕའི་གདོང་གི་སྐྱོ་བ་བསམ་ན།
བོད་པ་ཚོ་མཐུན་སྒྲིལ་གྱིས། མདོ་དབུས་ཁམས་གསུམ་མཐུན་སྒྲིལ་བྱོས་དང།
བོད་པ་ཚོ་མཐུན་སྒྲིལ་གྱིས། ཨ་མའི་སེམས་ཀྱི་མིག་ཆུ་བསམ་ན།
ང་ཚོ་ནི་ཕ་མ་གཅིག་གི་མྱིང་སྲིང་ཡིན། མི་རིགས་ཤིག་གི་རྒྱུད་འཛིན་ཡིན། གདོང་དམར་བོད་པ་ཚོ།
བོད་པ་ཚོ་མཐུན་སྒྲིལ་གྱིས། སྐྱིད་སྡུག་འདྲེས་མའི་ལོ་ཟླ་བསམ་ན།
བོད་པ་ཚོ་མཐུན་སྒྲིལ་གྱིས། སྟོད་སྨད་བར་གསུམ་མཐུན་སྒྲིལ་བྱོས་དང།
བོད་པ་ཚོ་མཐུན་སྒྲིལ་གྱིས། ཁ་བ་གངས་རིའི་མདུན་ལྗོངས་བསམ་ན།
བོད་པ་ཚོ་མཐུན་སྒྲིལ་གྱིས། ཕུ་ནུ་མང་སྲིང་མཐུན་སྒྲིལ་བྱོས་དང།
ང་ཚོ་ནི་སྟོད་ཕྱོགས་འབྲོག་གི་ཕྱུག་བདག་ཡིན། སྨད་ཕྱོགས་རོང་གི་ཞིང་བདག་ཡིན། གདོང་དམར་བོད་པ་ཚོ།
བོད་པ་ཚོ་མཐུན་སྒྲིལ་གྱིས། ངུ་མ་དགོད་ཀྱི་ལས་དབང་བསམ་ན།
བོད་པ་ཚོ་མཐུན་སྒྲིལ་གྱིས། ཆོལ་ཁ་གསུམ་པོ་མཐུན་སྒྲིལ་བྱོས་དང།
བོད་པ་ཚོ་མཐུན་སྒྲིལ་གྱིས། རང་དབང་འཚོོ་བའི་བདེ་སྐྱིད་བསམ་ན།
བོད་པ་ཚོ་མཐུན་སྒྲིལ་གྱིས། གཞོན་ནུ་ཕོ་མོ་མཐུན་སྒྲིལ་བྱོས་དང།
ང་ཚོ་ནི་དུས་རབས་གསར་བའི་ཕོ་ཉ་ཡིན། མ་འོངས་གངས་རིའི་བདག་པོ་ཡིན། གདོང་དམར་བོད་པ་ཚོ།
No comments:
Post a Comment